BRN

1   Mine nkulu wa mhunu, nitsralelaka mamana lwahlawuliwiki ni vana vake, lava nivazrandzraka hi ntiyiso, na ange mine ntsena, kambe ni hinkwavu lava kutani vativiki ntiyiso,

2   hi mhaka ya ntiyiso lowutsrhamaka andzreni kwezru ni lowutakava na hine hi la kungahelikiki.

3   Wumbilu, timpsalu ni kuzrula asvive na hine, svipfela ka Xikwembu Tatana ni le ka Yesu Kriste, N’wana wa Tatana, hi ntiyiso ni lizrandzru.

4   Ninyonxe ngopfu svinene hilesvi nikumiki van’we va vanaku na vafamba antiyisweni, svanga hesvi Tatana ahileletiki ha kone.

5   Kutani svosvi nakukombela, wene mamana, na ningakombeli svanga lweyi akutsralelaka xileleto xa ximpsha, kambe lexi hiviki na xone kusukela akusunguleni, xa lesvaku ahizrandzrananeni.

6   Kutani lizrandzru hi lesvi: I kuva hifamba hi kulandzra svileleto sva xone. Xileleto xa kone hi xolexo, svanga hesvi misviyingeliki ha kone kusukela akusunguleni, lesvaku mifanela kufamba ha xone.

7   Hikuva kuhumelele vakanganyisi vanyingi amisaveni, vhanu lavangapfumelikiki lesvaku Yesu Kriste atile hi nyama. Lweyi hi yene mukanganyisi ni nala wa Kriste.

8   Tivonelani akuva mingalahli lesvi hekesvitizrela akuva hisvikuma, akuva mitakuma hakelo hinkwadzru.

9   Mani na mani lweyi asukaka lani aya kun’wana, ava angatsrhami adondzrweni ya Kriste, anga na Xikwembu. Lweyi atsrhamaka adondzrweni leyi hi yene lwanga na Tatana ni N’wana.

10   Loko mhunu amibuyela na angatisi dondzro leyi, mingachuki mimuyamukela amakaya kwenu kumbe mimulosa.

11   Hikuva lweyi amulosaka ahlengela naye amintizrweni yake leya kubiha.

12   Nhambilesvi ninga na svinyingi kumitsralela, aninaveli kusviyenca hi papela ni tinta, kambe nilavisela kumitlhasela nikhanela na n’wine na hivonana, akuva kunyonxa kwenu kutatatiseka.

13   Vana va makwenu wa xisati, lweyi ahlawuliwiki, vakudzrungula.